مواطنة تحمل بكالوريوس "الإنجليزية" تقدمت لوظيفة عاملة نظافة ولم تقبل؟!
مواطنة أردنية تبلغ من العمر 26 عاما تسكن في مدينة إربد، تحمل شهادة البكالوريوس في اللغة الإنجليزية، وبعد أن كان طلبها ينحصر في أن تصبح معلمة فقد أجبرتها ظروف الحياة للتقدم بطلب لوظيفة "عاملة نظافة" في الأمانة للإنفاق على عائلتها، إلا أن طلبها قد رفض.
تقول السيدة بلهجتها العامية الغاضبة "أنا من إربد متزوجة من سوري عندي بنت عمرها 5 سنوات، أكملت دراستي في جامعة العلوم والتكنولوجيا سنة 2006 لغة إنجليزية، المشكلة أنني لحد الآن ابحث عن وظيفة، الألعن من هيك إني وين ما أروح أقدم بيحكولي جيبي واسطة...
تضيف "أقسم بالله إني ملّيت ولو تشوف حالتي ساكنة ببيت غرفة وحدة ومليت عمري وبصراحة الموت ارحم، يعني الواحد وين يروح، وبيحكولك إنو من أبسط حقوق المواطن في بلده حق المسكن والتعليم والتامين الصحي.. وأنا لهلأ ما بعرف شو التأمين الصحي وبعمري ما تعالجت لأني ما معي مصاري، وبصراحة كل البلد عم تحكي بنفس المواضيع، ونص الشباب عندها نفس مشكلتي وبيحكولك ديوان الخدمة المدنية ما فيه واسطة.. لا فيه يا سيدي ونفس اللي تعينوا حكوا إنه معهم واسطات وإحنا واسطتنا مين؟!"
وتفيد على حدّ تعبيرها بأن "الحياة صارت للأغنياء وبس ونحنا أحياء في عداد الأموات، بس عم نتنفس ونستنى رحمة ربنا، بجوز تحكي عني متشائمة.. أنا لا متشائمة ولا شي.. بس أنا قرفت عيشتي؛ لأني ما خليت مكان بالبلد إلا وحطيت فيه سيرة ذاتية ومن 4 سنوات عم استنى تلفوني يدق بخبر حلو.. بس للأسف الظاهر انه مكتوب عليّ أظلّ ألفّ البلد لحتى أدور على شغل أو حتى حد يساعدني ويلاقيلي واسطة.. ما حدا بدو يتذكرنا ووين بدنا نروح.. جاوبونا.. وين نروح؟؟؟
بكل هذا الأسى تطرح السيدة مشكلتها بإنتظار من يقدم لها يد عون العون ومنحها فرصة في هذه الحياة، ويمكن مساعدتها عبر هاتف 0799208165 لتبقى عين الله لا تنام.
0 التعليقات:
إرسال تعليق